Om te oorleef in ‘n kompeterende werksomgewing, is dit uiters noodsaaklik om aan die voorpunt van innovering te staan. Om kapasiteit vir innovering te bou, moet sake-ondernemings die regte kultuur, prosesse, vergoedingstruktuur en soveel meer hê. ‘n Mens se vermoë om entrepreneuries binne ‘n organisasie op te tree, het ‘n direkte impak op die innovering binne en groei van ‘n organisasie. Die moderne talentoorlog behoort dus daarop te fokus om entrepreneuriese talent te identifiseer en betrek by die organisasie. Mense met ‘n entrepreneuriese ingesteldheid en talent dink anders en tree anders op. Hulle floreer in onseker situasies, daag konvensionele wysheid uit, en sien geleenthede raak wat ander nie noodwendig opmerk nie. Leiers en werknemers wat kreatief en proaktief is, wat geleenthede raaksien, met visie vir vooruitgang en ontwikkeling maak ‘n noemenswaardige bydrae tot die groei en ontwikkeling van enige organisasie.

KURSUS BENAMING:

Innovering: Die geheim tot sukses

FORMAAT VAN KURSUS:

Webinaar

KOSTES VAN KURSUS:

Gratis

PLEK WAAR DIE KURSUS BYGEWOON WORD:

In die gerief van jou eie kantoor, kry gerus ‘n lekker koppie koffie.  Ons sien jou daar.

OORSIG VAN KURSUS:

Om te oorleef in ‘n kompeterende werksomgewing, is dit uiters noodsaaklik om aan die voorpunt van innovering te staan. Om kapasiteit vir innovering te bou, moet sake-ondernemings die regte kultuur, prosesse, vergoedingstruktuur en soveel meer hê. ‘n Mens se vermoë om entrepreneuries binne ‘n organisasie op te tree, het ‘n direkte impak op die innovering binne en groei van ‘n organisasie. Die moderne talentoorlog behoort dus daarop te fokus om entrepreneuriese talent te identifiseer en betrek by die organisasie. Mense met ‘n entrepreneuriese ingesteldheid en talent dink anders en tree anders op. Hulle floreer in onseker situasies, daag konvensionele wysheid uit, en sien geleenthede raak wat ander nie noodwendig opmerk nie. Leiers en werknemers wat kreatief en proaktief is, wat geleenthede raaksien, met visie vir vooruitgang en ontwikkeling maak ‘n noemenswaardige bydrae tot die groei en ontwikkeling van enige organisasie.

UITKOMSTE VAN KURSUS:

Tydens hierdie webinaar sal daar op die volgende gefokus word:

• Die impak van innovering en verandering op die individu
• Die impak van innovering op die organisasie
• Tipiese strategieë vir die implimentering van innovering
• Geheime van innoverende werksomgewings
• Hoe om innoverende individue te identifiseer en behou

WIE BEHOORT DIE KURSUS BY TE WOON?

Leiers, bestuurders en persone binne die veld van menslike hulpbronontwikkeling van enige onderneming wat graag meer wil leer oor die identifisering en ontwikkeling van talent wat kreatiwiteit en innovering binne die organisasie kan bevorder.

BIOGRAFIE:  JOPIE DE BEER

Jopie de Beer is een van die stigters en tans die Hoof Uitvoerende Beampte van die JvR Africa Groep van Maatskappye. Die moedermaatskappy van die Groep, Jopie van Rooyen en Vennote, is in 1994 gestig en sedertdien het dit ontwikkel in vier verskillende besigheidsentiteite Met ‘n fokus op die konstruktiewe gebruik van assesseringsdata, uitstaande kliëntediens, tegnologie en innovering het die Groep ‘n bekende en gerespekteerde handelsmerk geword vir professionele en betroubare oplossings gekoppel aan talentontwikkeling in Afrika.

Jopie is ‘n geregistreerde sielkundige met jare se ervaring. Sy steun op ‘n professionele span wat haar passie, dryfkrag en visie deel dat elke persoon die geleentheid gegun behoort te word om sy/haar volle potensiaal te ontwikkel.

KREDIETE VAN KURSUS

Slegs sertifikaat word toegeken