Voldoening aan en toepassing van die Wet op die Beskerming van Persoonlike Inligting (algemeen bekend as die Popi-wet) in die praktyk

KURSUSSTATUS:

R250.00

WooCommerce customize add to cart button
Category:

Beskrywing

KURSUSBENAMING:
Voldoening aan en toepassing van die Wet op die Beskerming van Persoonlike Inligting (algemeen bekend as die Popi-wet) in die praktyk

DATUM EN DUUR VAN KURSUS
Datum: 15 April 2021
Tyd: 08:30 – 16:00

KURSUSFORMAAT:
Seminaar

KOSTE VAN KURSUS:
Nielede van Solidariteit: R150
Solidariteit-lede: R100

Die koste van die seminaar handleiding is ingesluit by die prys.

PLEK WAAR DIE KURSUS BYGEWOON WORD:
S-leer
Kremetart Raadsaal
Solidariteit Hoofkantoor
Kloofsig
Centurion
Klik hier vir die kaart en aanwysings

OORSIG VAN INHOUD:

Hierdie kortkursus bied ʼn oorsig oor die agtergrond, omvang en toepassing van die Wet op die Beskerming van Persoonlike Inligting, Wet 4 van 2013, (Popi-wet), die moontlike implikasies daarvan vir jou en jou onderneming / praktyk, die funksies van die inligtingsbeampte in die onderneming / praktyk en dit verskaf ʼn praktiese plan om ʼn voldoeningsraamwerk te ontwikkel en te implementeer. Onderwerpe wat behandel gaan word, sluit in:
1. Uitdagings en geleenthede: Wat kan verkeerd loop?
2. Popi-wet: Nakomingsbepalings
3. Funksies van die inligtingsbeampte
4. Praktiese plan om ʼn voldoeningsraamwerk te ontwikkel en te implementeer
a) Leerfase
b) Voorbereidingsfase
c) Fase wat die beskerming van persoonlike inligting behels
5. Afsluiting

KURSUSUITKOMSTE:
1. Identifiseer sleutelkonsepte, -beginsels en -beskermingsrolle van die POPI-wet
2. Verken die verpligtinge en regte van die rolspelers
3. Identifiseer stappe wat gedoen moet word om aan die POPI-wet te voldoen
4. Verkry die nodige inligting en toerusting om u besigheid / praktyk se voldoeningsraamwerk teen 1 Julie 2021 gereed te hê en om in staat te wees om te kan demonstreer watter geskikte, redelike, tegniese en organisatoriese maatreëls u ingestel het om die integriteit en vertroulikheid van persoonlike inligting in u besit of onder u beheer, te beveilig.

WIE BEHOORT DIE KURSUS BY TE WOON?
Die kursus is spesifiek ontwikkel vir professionele persone wat vir maatskappye en by prokureurs-, rekenmeesters- en mediese praktyke werk. Almal wat meer te wete wil kom van die praktiese implementering van die beginsels van die Popi-wet is ook welkom.

BIOGRAFIE:
Adv. Frikkie Marais is ʼn ervare regskenner met ʼn bewese rekord van hulpverlening en opleiding aan en die bied van ondersteuning aan gesondheidsorgpraktyke en ander besighede ten opsigte van hul wetlike voldoeningsvereistes. Nadat hy B.Iuris aan die Universiteit van die Vrystaat studeer het, het hy sy loopbaan by die departement van justisie as aanklaer, landdros en regsadviseur begin. Daar het hy ervaring opgedoen in die wetsnakomingsruimte. Terwyl hy in diens van die departement was, het hy sy LLB-graad deeltyds aan die Universiteit van Pretoria verwerf. Sedert 1994 is hy betrokke by die gesondheidsorgbedryf as regsadviseur en hy konsentreer tans op Popi-nakomingsdienste. Sedert 2019 het hy sy fokus ook na ander besighede, insluitende die opleidingsbedryf uitgebrei.

Leave a Reply

Your email address will not be published. Required fields are marked *