VPO-opleiding oor seksuele ontwikkeling en problematiese seksuele gedrag by kinders, aangebied in Afrikaans.

Vanaf 13 tot 15 Julie 2022 word die volgende VPO-opleiding deur dr. Louise Aucamp aangebied. Tydens die drie sessies wat oor drie dae strek, sal normale seksuele ontwikkeling tot en met problematiese seksuele gedrag by kinders, die dinamika van die openbaarmaking van seksuele misbruik, asook wetgewing, misbruik en verpligte aanmelding bespreek word. Vier VPO-punte word per sessie aan afgevaardigdes toegeken.

S-leer en Solidariteit se Maatskaplikewerkersnetwerk wil jou uitnooi om jouself toe te rus en te bemagtig deur hierdie kursus by te woon. Dit kan ʼn daadwerklike verskil in die lewe van jou kliënte maak en sal jou ook met die nodige vaardighede toerus om jou werk te vergemaklik. Voortgesette Professionele Opleiding (VPO) is ʼn noodsaaklike element om te verseker dat ʼn individu se kennis en vaardighede onderhou en ontwikkel word.

Die besonderhede vir die opleiding is as volg:

DATUM:
13 – 15 Julie 2022
TEMA:
Seksuele ontwikkeling en problematiese seksuele gedrag by kinders – riglyne om hierdie komplekse proses te benader
PLEK:
Sessie 1: 13 Julie – Aanlyn
Sessie 2: 14 Julie - Aanlyn
Sessie 3: 15 Julie – Aanlyn of in persoon (Kies gerus of jy die sessie aanlyn of in persoon wil bywoon).
TYD:
09:00 – 13:00
KOSTE:
Lede: Gratis
Nielede: R500,00
VPO-PUNTE: 4 punte per sessie

Ons nooi elkeen uit om deel van die Maatskaplikewerkersnetwerk te word, wat nie net ‘n bereopsgemeenskap is nie, maar ook ‘n omgee-netwerk. Indien jy nog nie ‘n netwerk-lid is nie, sluit vandag nog by die Maatskaplikewerkersnetwerk aan en woon die opleidingsessie gratis by. Stuur ’n e-pos aan mw@solidariteit.co.za

Klik hier vir die VPO-opleidings kalender vir 2022

Sessie 1: 13 Julie
R 500

Dit is belangrik dat enigeen wat met kinders werk, kennis en goeie begrip van die normale seksuele ontwikkeling van kinders het.

Plaas in mandjie
Sessie 2: 14 Julie
R 500

Seksuele misbruik van kinders is wêreldwyd ʼn openbare gesondheidsprobleem wat in alle sosio-ekonomiese, opvoedkundige en etniese klasse voorkom.

Plaas in mandjie
Sessie 3: 15 Julie
R 500

Die doel van verpligte aanmelding is om vermeende mishandelde en verwaarloosde kinders so gou moontlik te identifiseer, sodat hulle teen verdere mishandeling beskerm kan word.

Plaas in mandjie